Chasalo Pragga Bhavan oh buma bupha tei chakra rokno posina bagwi hamkrai raida no twiwi kaisa seminar songchajakha. Haste ni haphang ni hoda hamkrai tei hoda rwng tangbedekni luajimung bai asalni seminar songchajakha. Asalni seminar oh khukphang wngwi manjakha hoda rwng tei hoda hamkrai tangbedekni montri Tinku Roy. Asalni panda oh bono karwi bo manjakha Law Department ni Joint Secretary Swapan Chowdhury, hoda rwng tei hoda hamkrai tangbedek ni secretary Smita Mall MS no khobui kubuni adongrok. Asalni panda oh kok narukna thangwi montri Tinku Roy sakha, haste ni 4 lakhs 10 thousand borok rok bata manwi tongo. Haste ni 9 lakhs family ni bisingo 4 lakhs 10 thousand family ni borok rok bata manwi tongo. Hakotor ni population no nasigwi kubuni haste ni sai Tripura haste ni lukorog bata manwi tongo. Aboni montri teibu sakha, chakra borok rokno nainani barja sudu haphangni simi ya, hoda ni joto borokni no barja. Abono twiwi joto borokno hujak wngnani bagwi koikha bo. Joto nukhungni borok rokni barja tongo, borokni buma bupha sngno kaham khe naikolnani tei borom rinani. Tamoni bagwi hnk, buma bupha ni sacrifice ni bagwi no chwng tini hoda oh kaham kwrwngkhe tongwi mano. Abono twiwi lukorog no ongkhorna bagwi koikha montri Tinku Roy. Joto hangkhor oh no oldest home swnamjaknai. Phiyabha oldest home swnam mani bising twi chwng oh kotor jwngjal no mwthagwi manya. Asalni seminar oh bwra bwrwichuk rokno pusinani no twiwi tei Welfare Act no twiwi kok sakha Law Department ni Joint Secretary Swapan Chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
