Takwlai bisi aulini oh 5 miters ni sai kolok Rath tikhalaiwi mangwlak hinwi sakhwlairijakha. Aboni logi Rath yatra tei kiphilmani rath yatra ni bwskango police ni malkhung tongnai tei okologo ambulance tei hor bwtharnai brindhiya ni malkhung tongnai hinwi sakhwlaijakha. Sangrong salo joto topic no twiwi salthang hangkhor ni tangnogo kaisa koklam panda songchajakha. Asalni panda oh manjakha salthang hangkhor naikolnai Dr.Vishal Kumar, Works Department, Power Corporation, Fire Service, Police, Traffic Police, Health no khobui kubuni adongrok. 5 miters ni kuchuk rath tikhalaiwi mangwlak. Rath yatra je lama twi thangwi tongo ah lama ni chwngphereng tar check khwlainai chwngphereng tangbedekni adongsng. Rath Metal bai da swnamjak aborokno check khwlainai Works Department, tei Power Corporation. Phasalo abohai no sakha salthang hangkhor naikolnai Dr.Vishal Kumar. Khursathai kwlai oh thanai 28 june ni salmari oh rath kiphilmani jora oh Kumarghat kaisa kirima sinsa patimung patikha. Kumarghat Iskon mondir ni rath chwngphereng tar bai nangwi khorok sini borok thwikha. Abohai patimung ta patithung hinwi no abohai kwrak yapri naharkha hangkhor naikolnai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
