Thangnai bisio swnamjakna kwtal khe swnamjakna bagwi yapri naharjakmani agartala ni MB tila hatino. phiya aswk sal kwdwkma wngwibo paiyakho samung. amoni bagwi pha salo ah hatini samung rogno naina bagwi thangkha Mayor Dipak Majumdar. Pha salo agulini MB tila ni hatino naina bagwi thangkha mayor Dipak majumdar . aro bini llogi thangkha agartala municipal corporation ni commisioner Shailesh kumar Yadav , ah amchaini corporator Alak Deb tei akosong. aro hati kwtal swnamjakgwi tongmano kaham khe berai naikha mayor. koktwma thumnai rogbai malaiwi mayor sakha , tal chibrwi swkang Montri okra Dr. Manik saha MB tilani hatino inauguration khwlaimani. phiya hati swnamnai rog belaino jora naharwi tongkha samungo. abono karwibo hati swnamjakmani raidabo hamya hinwi kwbangma bania khwlainai rogbo koksilsakha. mayor teibo sakha , aswk kwbangma koksilsamung man mani yagulo tabok kokchap naharjak kha , je motha tabok hati swnamwi tongo amono naharwi kwtal mothano samung rijaknai hinwi. Aboni bagwi kwtal tender ni rina bagwi saklaijaknai. ah salo corporation ni commissioner shailesh kumar Yadav sakha , kwtal tender ni rina bagwi saklaijakmani yagulo durga puja ni swkangno samung chengjaknai hinwi sakha bo. tei phainai salni rogni bisingo hati swnamungni samung rog painai hinwi sakha. ah salo hatini bania khwlainai rogbai bo malai kha mayor dipak majumdar.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
