Phasalo salthang hangkhor ni tangnogo kaisa seminar khwlaijakha. Asalni seminar oh manjakha salthang hangkhor naikolnai Dr.Vishal Kumar no khobui kubuni adongrok. Flood bai kobuljak lukorog no bahai khe banchirinai aborokno twiwi kaisa rehearsal khwlaijakha. Haste oh watwi phaimani nukjagwi tongkha. Tei June, July tei August tal jora phainai hinwi saimankha. Watwi phaimani bagwi haste ni tola thai tongnai rokni nog nogo watwi ni twi habwi tongo. Aboni bagwi belai no jwngjalo kwlaiwi tongo lukorog. Ah borok rokno banchi rina bagwi phasalo salthang hangkhor ni tangnogo kaisa seminar khwlaijakha. Asalni seminar oh manjakha salthang hangkhor naikolnai Dr.Vishal Kumar no khobui kubuni adongrok. Asalni seminar oh kok narukna thangwi Dr.Vishal Kumar sakha, watwi ni twi nogo habwi jwngjalo kwlainai rokno bahai khe banchirinai aborok no twiwi bodol ni members rokno training khwlairijakha. Phainai salo abohai teibu seminar khwlaijaknai hinwi sakha salthang hangkhor naikolnai Dr.Vishal Kumar. Asalni seminar paimani yagulo aulini Durgabari ghat oh rehearsal khwlaijakha. Lukorog no bahai khe banchirina nangnai aborokno twiwi demo phunukjakha.
