Belai watwi nukbar phaimani bagwi kotor patimung pati kha Delhi ni Indra Gandhi International Airport oh. koktwma saimankha terminal 1 ni nukhung baiwi kwlaima bagwi sago dukhu mankha kwbangma borokrogno. Yagulo masa borok thwikha hinwi koktwmao saimankha. Pha salni phungo kwbangma watwi nukbar phaimani bagwi jwngjal oh kwlaijak Delhi. kwbangma thai rogo twi kuplwng wngmani mangpili kwsai phaikha tei pha salo baiwi kha Indra gandhi international air port ni terminal 1 ni nukhung. oh patimungo bebagwi khorok dok borok rog sago dukhu mankha hinwi koktwmao saimankha. borog jotono no tabok sak ham nogo sak naikulrijakgwi tongmani. phiya tabok hinkhe khoroksani langma ari kha hinwi koktwmao saimankha. terminal ganao kwbangma garino bachajak tongmani nukhung baiwi kwlaima bagwi kwbangma no khoti wngkha hinwi saimankha. koktwmao saimankha ah patimung pati kha pha saln phungo dam ba eba 5 am ni jorao. patimung wngmani logi logino rescue khwlaina bagwi team thangkha. bebagwi kai tham fire engine ah jorao patimung thai thangwi sogwi kha. khursathai kwlaio thanglaisu khwlainai borok kwbang wngmani bagwi no 2019 bisi oh airport ni terminal 1 no tei kaham khe swnamna bagwi samung chengsai rijakmani.yagulo covid phaimani bagwi tal chichuku jora rwkgwi mwthakjak tongmani oh terminal swnamjakmani samung rog. aboni ulo 30 october 2023 bisio haino hai lukurogni bagwi phiyokgwi rijakmani oh terminal. terminal oh joto sep sap rijak kha lukurogni bagwi . phiya tabok hinkhe aswk kotor patimung pati thangkha. amoni bagwino tbok kendrani air transport montri Shri Kinjarapu Rammohan Naidu sakha , Indra Gandhi internatonal air port ni terminal 1 oh nukhung baiwi kwlaimani patimungno twiwi bo kaham khe naikulmung khwlaiwi tongo hinwi. omo hai patimungni bagwino tabok ah airport oh dipor dam nwi jora joto takeoff-landing rogno mwthakgwi toniwi rijaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
