Sal kisa swkangno loksobha chongmari paikha, aboni logi kendra oh NDA haphang achukkha. Tripura haste ni kainwi achukthai oh BJP+IPFT+TIPRA MOTHA ni wngwi batainai khorok nwi candidate no kwbangma vote manwi kwplai wngkha. Tabok bwskango panchayat ni chongmari wngnani thangwi tongo. Aboni bagwi no panchayat chongmari oh Tipra motha bodol no saichungno batainani bagwi sangrong salo social media bising twi bodol ni joto ojama tei sipai rokno kok kwcharkha Tipra motha ni kwcham supremo Bubagra Pradyot Kishore Debbarma. Asalo Bubagra teibu swikha, Tipra motha bodol sak baithangni phan bai no panchayat chongmari oh choba khwlainai. Aboni logi bo teibu sakha, bodol jadi borokni kaisa amchai no twiwi wansugwi tongkhe, bodol phainai salo kuchugo kawi mangwlak. Panchayat chongmari oh Tipra motha bodol saichung no sak baithangni phan bai batainani bagwi kebo no kirina nangya hinwi social media ni bising twi bodol ni joto ojama tei sipai rokno kok kwcharkha Bubagra Pradyot Kishore Debbarma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
