Speaker ni thaio teisa Om birla no rwjakha, vote o kwplai ungkha NDA ni ungwi batainai Om birla. bono lamsogmwng yaphar kha montri bokhorok Narendra modi. abo ni logi lamsogmwng yapharkha kebengnai bodol ni adong Rahul gandhi bo. borok Om birala no twi speaker ni achugthai o achugrwoi rwkha. wai nwi ni bagwi loksabha o speaker ungwi chonghor jak kha Om birla. Om birla ni samwng nugwi kha phurjak montri bokhorok Narendra modi. joto loku ni bagwi no kaham samwng khwlai kha tei kami hatai rogo sak naikol mwng ni sep khwlai rwkha Om birla abo hai khe no samani nukjakha modi no.tei kwrui loku rok ni gana bachawi samwng bo khwlai kha Om birla.bini naikol mwng o no loksabha o laibuma swnam jak kha.abo ni logi Om birla ni naikol mwng o nonari shakti bandhan, jammu kashmir Re-organization,digital personal data bill, transgender protection bill ni kahai nangkuk mani bill pass khwlai rwkha.kwtal parliament bhavan o teisa kwtl lai buma swijak nai nini naikol mwng o no.nini bagwi no chung kwtal parliament bahvan o habwi mankha. loksabha o chung paperless, digital bai swmang khwlai tong kha.nini naikol mwng o no lai thanai bisi nwi chi ba o parliament o joto ni swlai samwng kwbang ung kha, corona ni hai habar rogo nung jot dagiphang bai phone twi kok salai kha, tei joto phasing twi no sep khwlai rwkha. dagiphang rok bo nini kok bai khe no samwng khwlai kh, nini naikol mwng o tabuk ni 18th loksabha o bo lai buma swijak nai, abo hai khe no Om birla ni phasing naharwi kok sakha montri bokhorok Narendra modi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
