Loksobha ni speaker chongjakmani puila ni salo kok narukna thangwi congress ni amol oh ‘ emergency sakhwlaijakmano’ muito khwlaikha. Kwcham montri bokhorok Indira Gandhi ni mung nawi, bini jora oh lukorog bwswk jora twi kosta wngkha aborokno twiwi kok sakha. Emergency sakhwlaijakmani 50 years pungsama salno kitingwi parliament oh 2 munites ni silence palainani kok bo sakha bo. Phiyabha kebengnai bodol rok bini oh kok no kaham mokol bai nasikliya. Kebengnai bodol rok kebengkha. I.N.D.I.A alliance ni MP rok ‘Tanasayi mwthakdi hinwi tei desh no along swnamwi rikha’ hinwi slogan rikha. Emergency situation ni bagwi congress no nakar sanna bagwi slogan rikha Treasury Bench ni ojama sng. Om Birla kok narukmao kha-kaham yapharkha montri bokhorok Narendra Modi. Social media ni bising twi montri bokhorok swikha,’ borom gwnang speaker congress amolni emergency situation no belai no selengjakha, ah jora ni patimungni twiwi kok sakha tei aboni logi ganatantra ni hamano mwthaknani naimani kok rokno sawi khwna rikha. Ah jora oh jerok satok pitok khwlaijaknai rokno borom riwi silence palainani yapri naharkha. Montri bokhorok Modi teibu sakha, 50 years swkang emergency lagugjakha, abono twiwi oh generation ni sikla sikli rok sawi manani nango. Aboni logi bo teibu sakha, Bharat ni constitution no borom rijakliya, lukorogni khorang no chapogwi tonijakha. Ganatantra no nosta khwlaimano wngkha emergency lagugjakmani.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
