Tang salo fatikrai bidhan sabha bai khobjak madhyamik tei kwchug madhyamik amjwk mwng o kwplai ungnai student rok no lamsog mwng yaphar kha haste ni montri Sudhangshu das.panda o 640 jona students rok ni yago nangkuk mani manwi yaphar rwmani bo nukjakha montri Sudhangshu das no. Thinang o kwchug o kana hwnkhe sak sak no naikol naninang nai, phai tong nai sal rogo hakotor, haste tei hoda rogo kaham khe naikol nani nangnai rwng swrung nai rok nono. tei ah samwng bwtang no wansugwi no kwchug o kana ni nangnai. tang salo fatikrai bidhan sabha bai khobjak madhyamik tei kwchug madhyamik amjwk mwng o kwplai ung nai student rok ni lamsogmwng panda o thangwi abo hai khe no kok samani nukjakha montri Sudhangshu das no, panda o 640 jona students rok no lamsogmwng yaphar kha. ah panda songsa jakha fatikrai bidhan sabha bai khobjak fatikrai nazrul kalakhetra ni hall o. kwplai ung nai students rok ni yago montri Sudhangshu das school bag, pen, memento yapharwi rwkha, tei abo ni logi panda o phawi manjak phai kha hangkor ni rwng tang bedek ni okra naikolnai Prashanta kilikdar. panda o kok narugna phuru montri sakha hoda rogo mwng kwchug o karwna ni hwnkhe khe sak sak no naikol nani nang nai. joto phasing twi batailawi kwchug o kana ni nang nai. montri ni wansug mwng, panda o students rok higher education o kaham khe lekha pora khwlawi hakotor tei haste ni bagwi kaham samwng khwlai nai, tei lekha pora ni logi thung mwng nono bo naikol nani nang nai, henkhe no sak rok kaham tong nai hwnui samani nukjakha.
