Kwrak salo Unakoti hangkhorni Kanchanbari amchaio 10 crore rangni kwtal market stall phiyokgwi rikha montri Sudhangsu Das. kami amchaini lukurogni ajimungni halokno kaham khwlaina bagwino omo hai yapri kaham naharjak kha hinwi sakha montri Sudhangsu Das. Kami rogo lukurogni ajimung rogno teibo kwrak khwlaina bagwi kwthajak motha rogni bisingtwi atmanirvar bharat swnamna bagwi haste haphang sak tharwi samung khwlaiwi tongo. kami ni ajimung no teibo kwrak khwlaina bagwi kwtal yapri nahar kha haste haphang. National Cooperative Development Corporation tei haste haphang ni chubachubai unakoti hangkhorni kanchanbari Social Welfare Primary Agricultural Cooperative Society ni kwtal swnamjak 10 crore ni market stall kwrak salo phiyokjak kha. hasteni ah tei malmata tang bedekni montri Sudhangsu Das ni yak romwino ah kwtal market stall phiyokjak kha. aro khorok chi bekar sikla rogni yakgo stall ni chabi yaphar kha montri Sudhangsu das. tabok oh kwtal market stall ni bagwi unakoti hangkhorni kanchanbari amchaini sikla rog ajimung rog bangnai hinwi sakha montri sudhangsu Das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
