Kwrak salo pradesh BJP yuba morcha ni luajimung bai black day songsa jakha, ah salo haste ni dal bidal thai ni simi phai mani sikla rok no twi agartala ni town hall o kaisa panda ni bising twi black day songsa jakha. 1975 bisi ni 25 june sal mari o bharat ni laibuma o kaisa black day hwnui sini mwng manmani, ah salo bharat ni ah jora o naikol mwng o tong nai montri bokhorok Indira gandhi hakotor gwnagui emergency condition gosi mwng rwkha, ah emergency condition 1977 bisi ni 21 march sal mari jora eba nwi chi sa tal simi tong mani, ah jora ni Indira gandhi ni naikol mwng hapang hoda tei economic no swlai nani bagwi hakotor gwnagui emergency condition ni gosi mwng rwkha,abo ni bagwi loku rok ni democratic right deramwng o kwlaikha, tei hayung gwnagui ah sal no mwitu khwlai nani bagwi bisi brum brum no 25 june sal mari no BJP ni bwkhak twi black day hwnui palai jago. abo no kitingwi kwrak salo pradesh BJP yuba morcha ni luajimung bai black day songsa jago. ah salo haste ni dal bidal thai ni simi phai mani sikla rok no twi agartala ni town hall o kaisa panda ni bising twi black day songsa jakha. salthang hangkor ni logi o haste ni dal bidal hangkor rogo no yuba morcha ni bwkhak twi palai jak kha ah sal.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
