Sak baithangni cherai bwkrajwk bai satok pitok khwlaijakmani yakni yogrina bagwi Amtali thana oh thangkha bupha. Patimung patikha Sidai thana bai khobjak Mohanpur ni Manipuri amchai oh tongnai Soma Das ni nogo. Madhuban ni Jharjharia Govinda colony amchai oh tongnai Asim Malakar bwsajwk no kiphilwi mana bagwi thana oh thangkha. 2014 bisi oh Amtali thana bai khobjak Madhuban Jharjharia Govinda colony amchai oh tongnai Asim Malakar ni logi Sidai thana bai khobjak Sidai Mohanpur Manipur oh tongnai Jhulan Das ni sajwk Shilpi Das no kaiwi rikha. Kaijakmani yagulo borokni nukhungo khorok sa bwrwi cherai wngkha. Ah cherai ni mung narukjakha Shrabani Malakar. Aboni yagulo ah hamjwk bini cherai no twiwi kubuni chwla bai nukhung yakarwi kharwi thangkha. Aboni yagulo Bishramganja amchai oh police bai romjakha Shilpi Das. Oh patimungni yagulo bwsai Asim Malakar bini cherai no nogo tubuwi phaikha. Phiyabha sal kisa ni yagulo Shilpi Das police no twiwi bwsai ni nogo thangkha tei bini cherai no twiwi bupha ni nogo thangkha. Bupha ni nogo bwsajwk no kwlangwi kubuni chwla bai khe Bengaluru oh kharwi thangkha Shilpi Das. Asalni simi no Asim Malakar ni sajwk Shrabani Malakar bini nana sngni nogo no tongkha. Phiyabha tabok Asim Malakar koksilsakha je, bini cherai Shrabani Malakar no satok pitok khwlaiwi tongo bini bwkrajwk Sima Das. Bini bwkrajwk Sima Das ni kaisa tiffin phalnog tei kaisa chuwak ni phalnog tongo. Ah phalnogni joto samung humung rok bini bwsajwk Shrabani no khwlairiwi tongo hinwi koksilsakha bupha Asim Malakar. Bini sajwk ni thinangno nosta khwlaiwi tongo hinwi koksilsakha bupha Asim Malakar. Bwsajwk no kiphilwi mana bagwi Amtali thana oh thangkha Asim Malakar. Amtali thanani logi Madhuban gram panchayat ni pradhan ni thani thangkha Asim Malakar. Tabok ah cherai no bwkrabari ni tikhalaiwi bupha ni yagu rina bagwi bwswk jora twi nangkukmani yapri nahar police tei panchayat pradhan, abo simi no naijaknai tongsi oh.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
