Kashmir ni 370 act no tisanani bagwi tei hakotor no thansa khwlainani wansukmungno twiwi chuba khwlaithani langma chokha Bharat Kesheri Shyama Prasad Mukherjee. 1953 bisi ni 23 august ni salmari oh hayungno yakarwi thangkha bo. Asalni simi hakotor gwnangwi no bini mwtai chama sal palaijagwi tongo. Koktisalo aboni wngwi no BJP bodol ni bwkhak twi belai no borom riwi Shyama Prasad Mukherjee ni 71 bisi mwtai chama sal palaijakha. Asalo bini mangpili oh khomriwi borom yapharkha Pradesh BJP ni president Rajib Bhattacharya, tei BJP bodolni kubuni ojama sng. Asalni panda oh kok narukna thangwi Pradesh BJP ni president Rajib Bhattacharya sakha, phainai 6 july ni salmari oh Bharat keshri Shyama Prasad Mukherjee ni achaima sal palaijaknai. Kwbangma organization tei kwbangma private songstha rokni bising twi bo palaijaknai bini achaima sal. Kendra ni twidulnai ni dagimung bai hangkhor ni joto bhoth level oh kwbangma samung bwtang palaijaknai hinwi sakha pradesh BJP ni president Rajib Bhattacharya. Asalni panda oh bono karwi bo manjakha MLA Dipak Majumder tei pradesh committee ni kwbangma ojama sng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
