Koktisalo Dhaleshwar ni Ramkrishna Vivekananda Vidyamondir ni kaisa quarter gana oh Chittaranjan Das mungwi khorok sa chakra ni mangkwthwi mankha. Bolongni mwikhutung rok phalwi no nukhung chalogwi tongmani bo. Bini tongthai nog Ambasa. Amchaini khorok sa borok sakha, Tabok ah chakra ni khorok nwi bwsala Chandrapur oh tongo tei khorok sa sajwk no Khoyerpur oh hamjwk horkha. Aboni bagwi no Dhaleshwar Ramkrishna Vivekananda Vidyamondir ni kaisa quarter tongo bo. Bolongni mwikwthung rok phalwi no choliwi tongmani ah chakra. Jora jora oh bwsala songni nog rogo thangwi phai oh. Aboni logi bwsajwk ni bwkrabari rogo thangwi berawi phai oh bo. Chasalo bwsala ni nogni kiphilkha ah chakra. Koktisalo bini quarter gana ni bolongo no bini mangkwthwi no nogwi mankha amchaini lukorog. Patimungni koktwma manwi aro thangwi sagwikha police. Amchaini lukorog sakha, satung kutungo mwikwthung kholwi tongmani jora oh stroke wngwi thwikhana hinwi wansukha. Tabok patimungno twiwi naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
