Bharat Bangladesh ni halok belai no kaham. Oh halok no teibu kwrak khwlainani bagwi no koktisalo Bangladesh ni montri bokhorok Sheikh Hasina no andraso horkha haste ni montri okra Dr.Manik Saha. Asalo 500 KG androso rahorjakha. Queen androso hayungni bisingo joto ni sai kaham androso hinwi sinijagwi tongo. Asalo Bangladesh ni adongrok ni yagu haste ni androno yapharwi rikha Horticulture and Soil Conservation Department ni Assistant Director Dr. Deepak Vaidya, asalo bo teibu sakha khungnwi hakotor ni bisingo kaham halok swnamnai bagwi no Bangladesh oh androso horkha montri okra hinwi sakha bo. Bisi brom brom no Bangladesh ni montri bokhorok Sheikh Hasina no androso rahorwi tongo haste ni montri okra Dr.Manik Saha. Tei baisa bwkhak Bangladesh ni montri bokhorok bo Tripura haste ni bagwi montri okra ni bagwi 600 KG Thaichuk hormani. Abohai khe no waisa waisa khe manwi tunhorwi khungnwi hakotor ni bisingo kaham halok swnamwi tongo borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
