Sal kisa swkang ni 18 loksobha chongmari oh BJP ni twidulmung bai NDA haphang khaka. Aboni yagulo no waitham ni montri bokhorok wngkha montri bokhorok Narendra Modi. Haste ni salthang tei salka achukthai oh BJP bodol kwplai wngkha. Loksobha chongmari Salka Tripura oh BJP wngwi batainai maharani Kriti Singh Debbarma 4 lakh 86 thousand 819 vote manwi kwplai wngkha. Tei baisa bwkhak Salthang Tripura oh BJP ni wngwi batainai haste ni kwcham montri okra Biplab Kumar Deb 6 lakhs 18 thousand vote manwi kwplai wngkha. Hakotor ni logi haste ni kainwi kendra oh bjp bodol kwplai wngmani bagwi koktisalo Bankumary amchaini Netaji songha ni ground oh kaisa vijoy misil songchajakha. Asalni panda oh manjakha pradesh BJP ni president Rajib Bhattacharya, BJP Sadar hangkhor president Ashim Bhattacharya, 13 Pratapghar mondal committee ni president Chiranjit Deb, Agartala municipal corporation ni deputi mayor Manika Das Datta, Agartala municipal corporation ni corporator no khobui kubuni adongrok. Asalni vijoy misil oh manjagwi pradesh BJP ni president Rajib Bhattacharya sakha, oh kwplai abo lukorog ni kwplai. Aboni yagulo bo teibu sakha, lukorog BJP bodol no puito khwlai oh, Aboni bagwi no kainwi achukthai oh kwbangma vote manwi kwplai wngkha BJP. Aboni bagwi haste ni lukorog no kha kaham tei hamjakma yapharkha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
