Bharat tei bangladesh ni halok no teibo kaham khwlaina bagwi cha salo kai nwi hakotorni kwcharo belaino nangkukmani kaisa koklam panda khwlaijak kha. aro manjak kha montri bokhorok Narendra Modi tei montri bokhorok Sheikh hasina. Delhi ni Hydrabad house oh bangladesh ni montri bokhorok Sheikh Hasina bai belaino nangkukmani koklam pandaoa achuk kha hakotorni montri bokhorok Narendra Modi. cha sal ni phungo sheikh hasina no rastrapati bhaban oh lamsukgmung yapharjak kha. yagulo montri bokhorok bai koklam khwlaimani ulo swrai swrai joto kokno sai khwna rikha borog. kok narwkmani oh bharat hakotorni logio kwrak relastion ni kok no bo sai khwna rikha. montri bokhorok Modi sakha bharat tei bangladesh ni ganga twima oh river cruise ni samung bwtang tabok kaham no wngkhari phunukgwi tongkha. bo sakha bisi kaisa ni bisingo no kwbangma nangkukmani kokchap rog naharjak kha hinwi. kai ba chibrwi twima bharat bai bangladesh ni thansa khwlaiwio hinwi sakha montri montri bokhorok modi. bo teibo sakha , bharat tei bangladesh hakotorni bisingo puila cross border pipeline swnamjakna thangwi tongo. bharat bangladesh ni friendship satellite kai nwi hakotorni halok no tei bo kwrak khwlainai hinwi sakha montri bokhorok modi. montri bokhorok modi no bangladesh no phaina bagwi kubukmung rkha montri bokhorok Sheikh Hasina. bharat hakotorno bini belaino nangkukmani bayap hinwi bo sini mung rikha montri bokhorok sheikh hasina . bo sakha hayung gwnangwi jephoro kwbangma hakotor rog chuba bai gwdaljak aphoro bharat bai bangladesh ni kahm halok swnam kha hinwi. cha salo kai nwi hakotorni ni bisingo kwbangma nangkukmani koklam no twiwi kokchap naharjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
