Cha salo Dasarath bhaban hall oh IPFT bodolni nangkukmani koklam panda khwlaijak kha. aro manjak kha MLA Prem Kumar Reang , Montri Shukla charan Noatia tei kwcham MLA Sindhu Charan Jamatia no khubwi kubuni adong rog. ADC amchaino twiwi khakjak haste swnamna bagwi 2009 bisi ni 4 march oh sanmung tisa mani IPFT bodol. tabok baithangni jorao hasteni BJP bodol bai Thansa wngwi haphang naikulwi tongo IPFT bodol. cha salo IPFT bodolni kaisa belaino nangkukmani koklam panda songsajak kha. aguluni dhasarath bhaban oh ah salni panda songsajak kha. pandao bodolni kwbangma mothani logi dalbidal ni committe ni lukurogbo manjak kha. ah salni pandao manjak kha committee ni achukphang Prem kumar Reang , kendra committe ni vice general secretary eba hasteni minority montri Shukla Charan Noatia , general secretary Swapan Debbar,a , yakchu achukthang Krishna Kanta Jamtia , kwcham MLA Sindhu Charan Jamatia tei Youth IPFT mothani achukphang Bikash Debbarma akosong. ah koklam pandao khakjak hasteni sanmungno twiwi delhi oh thangnani bagwi kokchap naharjak kha. aro bodolni kwbangma committe ni report no twiwibo koklam panda khwlaijak kha. joto kokno no kokthum pandani bisingtwi kaham khe ai khwna rikha bodolni achukphang Prem kumar Reang. cha salo koktwma thumnai rogni bisingtwi khe IPFT ni achukphang Pream Kumar Reang sakha, kwbangma amchai rogno IPFT bodol kwrak wngwi bachajak . bodolno kebo phan kwrwi hinwi wansog khe amo borogni bhol wngnai. phainai villege committee chongmarini bagwibo bodol tiyar wngwi tongo hinwi sakha prem kumar Reang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
