Lama swnamwi rinani sanmungno twiwi khorang tisakha kurti panchayat ni 7 no tei 4 no ward amchaini lukorog. Amchaini MLA tei panchayat pradhan no waire wai samani yagulo bo mungsa yapri naharya. Aboni bagwi phainai panchayat chongmarini swkang ah lama no swnamwi riya hnk amchaini lukorog vote riya hinwi sakha. 54 Kadamtola kurti bidhansabha kendra bai khobjak kaisa gram panchayat ni mung wngkha Kurti. Oh gram panchayat ni 7 no tei 4 no ward amchaini lama belai no hamya. Bisi kolokma ramwi swnamjakya ah lama. Aboni bagwi lama twi khochogwi phaimani haa tei tui jomogwi tongkha lama oh. Watwi ni jora oh ah lama tui himnani belai no jwngjal wngwi tongkha. Yaksi bodol ni jora oh amchaini lukorog ah lama no swnamwi rinani bagwi waire wai no sanlaikha, phiyabha mungsa samung wngya. Aboni yagulo bo tabokni haste haphang ni jora oh amchaini lukorog amchaini MLA Muslim Uddin tei kurti gram panchayat ni pradhan ni thani waire wai no koikha, phiyabha ah lama no swnamwi rinani bagwi mungsa bo yapri naharya. Aboni bagwi phasalo amchaini MLA tei panchayat ni tangphang rokno kebengwi khorang tisakha amchaini lukorog. Ah amchai oh bebagwi 250 family ni borok rok tongo. Ah amchaini lukorog ni bagwi thanglaisu khwlainani bagwi kaisa no lama. Waire wai ah lama swnamwi rinani sanmani yagulo bo mungsa yapri naharya hinwi sakha amchaini lukorog. Asalo amchaini lukorog teibu sakha je, phainai panchayat chongmarini swkang oh lama no swnamwi riya hnk borok vote riya hinwi sakha. Vote rimani yagulo bo mungsa sep sap manya borok. Aboni bagwi panchayat chongmarini swkang lama swnamwi riya hnk borok vote riya hinwi sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
