Swrang salni diporo Khowai hangkhor Durganagar ni 1 no ward amchaini lama gana oh mosuk bekereng manmano kitingwi ur patikha. Kainwi bosongni lukorogni bisingo naslermung tubuna bagwi no abohai samung khwlaikha samung sitra khwlainai rok hinwi wansukha amchaini lukorog. Durganagar amchaini 1 no ward oh bisi kolokma ramwi hindu tei thorok bosongni lukorog tongo. Amchaini lukorog kha-khwlaikha kebo kebo kainwi bosongni bisingo walai kaija khwlainani bagwi no lama kinaro mosuk bekereng khibiwi kwlangkha. Aboni yagulo amchaini lukorog ah mosuk bekerengno twlangwi haa bisingo phobwi rikha. Hindu dharma ni lukorog mosuk no mwtai riwi tongo, ah thai oh bahai khe kebo mosuk ni bekereng khibiwi kwlangwi mann hinwi wansukha amchaini lukorog. Aboni bagwi no phainai salo abohai patimung ta patithung hinwi ayang phasingo mokol kaisonna bagwi kok kwcharkha amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
