Tangsalni sarigo huijak koktwma ni bising twi Radha Kishorepur thanani police Udaipur Khilpara Vaishnabichar rail bridge gana oh khoroknwi sikla no romkha. Borokni yagu naicherwi 43 brown sugar kouta mankha. Borokni yagu 1580 case rang mankha. Radha Kishorepur thanani ASI Sourav Saha koktwma thumnai rokno sakha, romjaknai rok number kwrwi khungsa bike twiwi Melaghar ni simi brown sugar twiwi Udaipur phasing thangwi tongmani. Radha Kishorepur thanani ASI Sourav Saha sakha, romjaknai rokno kebengwi NDPS mamla khwlaijakha. Kwrak salo police remand sanwi borokno dorbar nogo tisajakha. Borokno kok sungwi phekjaknai manwi phalnai ni mastermind no romnani bagwi chaitogwi tongo hinwi sakha RK Pur thanani ASI Sourav Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
