Lai thanai bisa romwi habar tungphulaijak, tabuk khe manipur no twi kwchug thai ni joto naikolnai rok no twi achuglai mwng khwlaikha kendriya union home minister Amit shah. Lai thanai bisa romwi choprob lai mani, tungphulai mani, habar deramwng ung mani no twi kabang ma yapri nakaha kendra tei haste, tabuk khe manipur no twi kwchug thai ni achuglai mwng khwlai kha kendriya union home minister Amit shah, tang sal o new delhi o kwchug thai ni samwng khwlainai rok bai achuglai mwng khwlawi kwrak khe sep naharna bagwi gosi mwng rwkha. bo hai khe no kendriya union home minister saklai kha, Meitei tei Kuki community rok bai dati no achuglai mwng khwlainai,abo ni swkang manipur no twi kok samani RSS ni okra naikolnai Mohon bhagwat. manipur o kwtal khe teisa habar tungphulai mani abo rok nukjak tongkha, ah habar o ah salo manipur no twi no achuglai mwng khwlaikha kendriya union home minister, ah haste o tei habar tungphulai mani ta ungthung abo rok no jaikhe naikol nani bagwi sakha, abo ni logi kendriya union home minister sakha. nangkhe manipur o teibo kendriya sengkwrak bodol rohor jak nai,manipur o habar tong kwchang khe ton nani bagwi joto phasing twi no naikol jak nai, achuglai mwng pawi kaisa statement rwou sarastra mantrak saklai kha, saranarthi sibir no twi bo achuglai mwng khwlai nai Amit shah. ah salni achuglai mwng o phawi manjak phai kha kendriya sarastra sachib Ajoy bhalla, intelligence bureau ni director Tapan deka, Monoj pande,lieutenant general Upendra dwivedi tei kwchug thai ni samwng khwlainai rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
