2023 bisi oh Bikash Debbarma no MLA swnamkhe Krishnapur bidhansabha kendra bai khobjak Chakmaghat amchai ni joto lama rokno swnamwi rinani bagwi kok rikha bo. Phiyabha chongmarini oh kwplai wngmani yagulo bo amchaini lama swnamwi riliya montri Bikash Debbarma. Aboni bagwi kwrak salo amchaini panchayat no tala riwi rikha amchaini lukorog.MLA ni samung bwtang rok nukyani bagwi panchayat no tala riwi rikha amchaini lukorog. Patimung patikha Krishnapur bidhansabha kendra bai khobjak Chakmaghat amchai oh. Amchaini lukorog ni koksilsamung wngkha, 2018 bisi oh BJP haphang phaimani yagulo amchaini lama hamya rokno swnamwi rinani bagwi kok rikha BJP bodol. Phiyabha BJP haphang kha-mani yagulo puila bisi ba oh Krishnapur bidhansabha amchaini MLA wngkha Atul Debbarma. Puila ni bisi ba oh Chakmaghat panchayat bai 6 no tei 7 no ward amchaini lama swnamnani bagwi mungsa phano yapri naharliya BJP Haphang. Aboni yagulo 2023 bisi oh Krishnapur bidhansabha ni MLA wngwi barja naharkha Bikash Debbarma, aboni logi montri ni barja bo mankha bo. 2023 bidhansabha chongmarini swkang montri Bikash Debbarma kok rikha je, bono MLA swnamkhe amchaini joto lama no swnamwi rinai hinwi kok rikha bo. Phiyabha MLA wngwi barja naharmani yagulo bisi sa sal laithangmani yagulo bo ah amchaini lama no swnamwi rinani bagwi mungsabo yapri naharliya amchaini MLA eba montri Bikash Debbarma. Patimungno twiwi panchayat oh waire wai no sajakha, phiyabha panchayat bo mungsa yapri naharya. Aboni bagwi kwrak salo Chakmaghat panchayat no tala riwi rikha amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
