Kwrak salo haste ni montri Sushanta chowdhury achuglai mwng khwlaimani yagulo secretariat o kokthum panda khwlawi haste ni dal bidal thai o sebok tichokjak nai hwnui gosimwng naharkha. Haste ni sakham tang bedek no teibo bobo haikhe kwchug o karwna ni man nai ayang phsing naharwi samwng khwlai tongkha haste hapang. haste ni loku rok sak naikol mwng ni bagwi tei pahtar haste o thang nani nangya hai khe no 2018 bisi ni simi samwng khwlai tong kha haste hapang. abo no twi kwrak salo mantri sabha o achuglai mwng khwlawikwbangma nangkuk mani gosimwng nahar jakha, ah salni achuglaimwng o haste ni sakham tang bedek bai khobjak 226 jona no general duty medical officer ni thaio tichokna bagwi gosimwng naharjakha. kwrak slo montri sabha ni achuglaimwng pawi secretariat o kokthum panda khwlawi abo hai khe no sakha montri Sushanta chowdhury. montri teibo saklaikha, haste ni health and family welfare tang bedek o 16 super specialist medical officer, 172 specialist medical officer tei hor bwtharnai tang bedek o 49 sub-officer tichokjak nai, haste ni joto exam ni bwkhak twi no PRTC nang nai hwnui sakha montri. joto thai o no TPSC exam rwoi tichokjak nai. abo no karwi bo food and population department o 6 jona food sub-inspector ni thaio sebok tichokjak nai, abo ni bagwi JRBT exam rwna ni nang nai.montri sabha ni achuglai mwng o kendriya hapang ni gosimwng o no nichintapur railway station, sabroom ICP, agartala MBB airport o immigration songsai rwma ni bagwi haste ni retired 67 jona police officer no teisa samwng o tichokjak nai hwnui gosimwng naharjakha hwnui sakha montri Sushanta chowdhury.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
