Tangsalni simi Tripura football association bai naikoljak C Division Football League chengsakha. Takwlai bisi ni C Division Football league oh bebagwi 16 club rok participate khwlaikha. Aroni bisingo joto ni kwrak bodol wngkha Vivekananda club. Takwlai bisi ni final match oh kwplai wngnani bagwi 20 members no twiwi bodol swnamkha Vivekananda club. Aroni bisingo khorok bwrwi wngkha under 19 players. Thanai 10 june ni simi borokno practice khwlairiwi tongo. Karnendu Debbarma ni twidulmung bai borokno practice khwlairijagwi tongo. Aboni logi Karnendu Debbarma ni deputi coach wngwi practice khwlai riwi tongo Narayan Debnath. Aulini Pragati, Astabal tei Umakanta ground oh borokno practice khwlairijagwi tongo. Tangsalo Vivekananda club ni footballers rokno Astabal thwngkhola oh practice khwlairijakha. Asalo ground oh manjakha head coach Karnendu Debbarma, club ni secretary Partha Biswas no khobui kubuni adongrok. Football players rokno asalo kha-thangsarikha club ni adongsng. League oh kaham no results khwlainai bodol hinwi kha khwlaikha head coach. Phainai 21 june ni salmari oh Umakanta mini stadium oh borokni puila match wngnai. Asalo borok bai thwngnai Icfai FC.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
