Bharat haphang kaisa bwkhak hamya raida bai bharat oh habwi tongnai 40 thousand ni sai kwbang thorok rohinga rokno borokni thorok hakotor oh kiphilwi hornani bagwi chaitogwi tongo. Tei baisa bwkhak Bangladesh ni ari twi khe talo 200 ni sai kwbang rohinga rok bharat oh habwi tongo. Aboni yagulo oh thorok rohinga rokno identity riwi hakotor ni kai chi bwrwi haste oh thai rijagwi tongo. Oh kai chi bwrwi haste ni bisingo khobjakha Assam, Tripura, Mizoram, Meghalaya. Aboni karwi bo tongo West-Bengal, Jammu-Kashmir, Hariyana, Punjab, Madhya-pradesh, Uttarpradesh, Rajasthan, Maharastra, Kerala. Oh rohinga rokno bharat hakotor oh hapna bagwi chubachu khwlaiwi tongo International human trafficking ring. Sal kisa swkang oh human trafficking ring ni mastermind Jalil Mia no romkha National Investigation Agency. Bono sungmani yagulo teibu kwbangma kok sawi mankha. Aroni bisingo joto ni sai kotor kok wngkha human trafficking ring ni mastermind Jalil Mia Tripura oh tongnai hinwi saimankha. Bini logi teimasa tongo Jibon Rubrapaul. Jibon Rudrapaul no swkango no romkha NIA. Tabok Jalil ni bayap Judge Mia tei Shantu rutugwi tongo NIA. Borok joto no Tripura ni borok moinsu no khogwi phalmani patimungo gwdaljak hinwi saimankha. 2023 bisi ni november talo Jalil ni raid khwlaikha NIA, phiyabha ah jora oh kharwi thangkha Jalil. Aboni sal kisa ni yagulo no Jalil ni gang ni 29 borok no romkha NIA. Borok no sungwi sawi mankha, Bangladesh oh tongnai rohinga rok ni 10-20 lakhs rang nawi ah rohinga rokno bharat ni citizen khwlairiwi tongo borok Jalil ni gang. Aboni logi ah rohinga rokni joto document rok bo swnamwi riwi tongo borokni gang. Huijak koktwma ni bising twi sawi mankha, ah rohinga rokno bharat oh haprina swkang hindi, Assamise, tei bharat ni kubuni kok rokno sana bagwi training khwlairijagwi tongo hinwi saimankha. Borok bharat oh phaimani yagulo borokni kok sama bai borokno ramwi manya wngnani bagwi no abohai khe phwrwngjagwi tongo borokno kwbangma language. Salbrom no Bangladesh ni khorok ba eba khorok chi rohinga rokno bharat oh hapriwi tongo Jalil ni gang. Aboni bagwi Bangladesh ni ari gana oh Assam,Mizoram, Meghalaya, Tripura haste oh phainani bagwi haa bising twi tunnel swnamjak hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
