Pachimbanga o chongmari no twi habar tungphulai jak, haste ni kai sini hangkor o tabuk sak jora choprobwi no tong kha trinamul congress. tang salo pachimbanga ni coochbihar ni dal bidal hangkor berainaikha BJP bodol. borok kok salaikha sago dukhu man nai rok bai tei nok yakrwi kharwi tong mani BJP ni samwng khwlainai rok bai. ah salo coochbihar mission sakham nogo rompherejak mani khorok sa bwrui BJP ni samwng khwlainai bo baibo malaikha BJP bodol. ah bwrui ni thani joto pati mwng ni kok khunawi wanamwng o kwlai nani nang kha BJP bodol ni ungwi ojama song phai nai rok. sakham nok ni simi ongkhorwi kokthum thumnai ni bwskang o naslemwng phunukha BJP bodol ni ungwi naikolnai haste ni dagiphang Biplab kumar deb. bo saklai kha, chongmari ni ulo pachimbanga o je pati mwng patikha abo rok sai managal khuk bai ang, kami ni loku rok no choprob kha trinamul ni samwng hamya khwlainai rok. romphere mani samwng sitra khwlai mani FIR phano khwlai nani rwliya thana o. tei khak sa phasing khe haste ni naikol mwng o tongwi tongkha khorok sa bwrui montri okra, Mamata benarjee no chalange yapharwi Biplab kumar deb saklai kha kha kwthang hwnkhe Mamata benarjee sakham nogo phawi nawi thang thung ah bwrui no.ah salo kokthum thum nai ni bwskang o haste ni dagiphang Biplab kumar deb teibo saklaikha,BJP phan o phaimani ulo Tripura o tabuk sak jora kaisa phano samwng hamya, eba bwthar jak mani romphejak mani pati mwng patiya kho. abo hai pati mwng pati khe loksabha chongmari o bono 73% vote eba 6 lakh 12 thousand vote manwi kwplai khwlai galak kha mu Tripura ni loku rok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
