Tangsalni phungo Khowai thana bai khobjak Gournagar Jhara bosti amchai oh tongnai khorok sa bwrwi ni thwichacharwro wngjak mangkwthwi mankha police. Ah thwinai bwrui ni mung Ramla Jhara, bwsai ni mung Parimal Jhara. Koktwma oh sawi mankha, salbrom ni bihik bwsai ni bisingo kwbangma kok no twiwi walailaioh hinwi saimankha. Koktisalni sarigo bwsai Parimal Jhara chuwak nungwi bihik no lama kwcharo bokha. Bwsai bai bujagwi belai no sak hamya wngwi kwlaikha bihik Ramla Jhara. Aboni pore Parimal bihik no khochawi bini bwma ni nogo twlangwi rwikha. Phiyabha koktisalni phungo bini bwpha ni khugo bihik Ramla Jhara thwikha koktwma manwi aro thangkha. Aboni yagulo teibu sawi mankha je, bihik ni mangkwthwi no sak baithangni nogo tubuwi phaikha Parimal. Mangkwthwi no nogwi manwi amchaini lukorog Khowai thana oh koktwma horkha. Patimungni koktwma manwi patimung thai oh thangwi sagwikha police. Aboni yagulo bwrui ni bwma bwpha no koktwma horkha. Asalo thwinai ni khorok sa gosti sakha, bwsai Parimal bai bojagwi no thwinani nangkha Ramla. Salbrom no walailai oh borok. Walaiphano aswk kotor patimungo thanganu hinwi kebo wansugwi manya. Phiyabha paithago wansukjakya kok phano se mwkthango wngwi thangsio. Asalo thwinai bwrui ni bwsai Parimal Jhara no romkha police. Tabok patimungno twiwi naicherwi tongo police. Patimungni yagulo amchai rwgwi no urpatilaijak. Bwrui bwsa bwma bwpha ni nogno yakarwi khorok sa chwla no puito khwlaiwi nukhung kha-oh, tei langma tongsak sai hinwi songchajaknai bo bai no langma tongsak tongnani hinwi kha-bwtharwi phaimani. Phiyabha paithago tamo wngkha, je borokno puito chawi sai swnamkha, ah borok bai no paithago bwtharjakna nangkha Ramla Jhara.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
