Loku rok ni je manthai abo rok joto no supungwi rwnani chaitigo cahmwng tang bedek, cha salo santirbazar o legal metrology ni kwtal tang nok no songsai rwkha montri Sushanta chowdhury, tei bono karwi bo phawi manjak phaikha montri Sukla charan noatia, MLA Promod reang bo.Cha salo santirbazar o tang bedek ni bwkhaktwi Legal Metrology department ni tang nok songsai rwjakha, ah tang nok no songsai rwkha chamwng tang bedek ni montri Sushanta chowdhury. abo ni logi panda o phawi manjak phaikha montri Sukla charan noatia, MLA Promod reang, south Tripura hangkor parisad ni achugphang Kakoli das dutta akosong. ah panda o kok narugna phuru chamwng tang bedek ni montri saklaikha, haste o rationing ni sep kaham no tong o. agi rogo tal khak sa unwgi thang o phiya ba ration ni manwi manya ung o tong kosong loku rok.tabuk khe tal ni paithak rogo bo loku rok ration o thang khe manwi mano. montri teibo saklaikha, montei bokhorok Narendra modi ni emang sabka sath sabka biswas tei sabka prayash abo hai khe no samwng ungwi tongkha, joto loku rok no logi twi no chamwng tang bedek tong nani mwchug o.ah panda o kok narugmani nukjakha montri Sukla charan noatia nobo.bo saklaikha, tang bedek ni kwtal tang nok songsai rwmani bagwi santirbazar bwkhaste ni loku rok ni bagwi belai khe no kaham ungnai.ah salni panda o south hangkor ni hangkor naikolnai Dr.Sidartha shiv Jaswal, santirbazar bwkhaste ni bwkhaste naikolnai Avedananda baidya, santirbzar poura parisad ni chairperson Sawpna baidya, tei sachib Raval hemendra kumar bo phawi manjak phai mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
