Haste o kaisa kotor dairy farm khulugna bagwi nai tongkha, abo ni bagwi national devlopment dairy board ni kaisa bodol haste o phawi sokphaikha. cha salo malmata tangbedek o achuglaimwng khwlawi abo hai khe no sakha montri Sudhangshu das. Cha salo gorkha bosti ni janajati kalyan tang bedek ni conference hall o malmata tang bedek ni bwkhak twi achuglai mwng songsa jakha, ah achuglai mwng o phawi manjak phai kha tang bedek ni montri Sudhangshu das. abo ni logi phawi manjak phaikha dal bidal malmata tang bedek ni deputy director, additional director ni logi kwchug thai ni samwng khwlai nai rok. achuglai mwng o 2023-34 bisi ni naikol mwng no twi kok salaikha, ah budget bwsuk jora twi samwng ungkha tei bwsuk jora twi samwng ung nai abo rok dati khe khwlai na bagwi gosi mwng rwkha, abo ni logi 2024-25 bisi ni budget no twi bo kok salaikha, ah salo tang bedek ni achuglai mwng o abo hai khe no sakha malmata tang bedek ni montri Sudhangshu das. kokthum thum nai rok ni swng mwng o malmata tang bedek ni montri Sudhangshu das saklaikha, haste o ahh ni chash kaham no ungwi tongkha, phiya ba haste o dudh ni kotor dairy farm kwrui.chikon dairy rok tong o kaisa kai nwi. joto samwng rok no naicherwi naikolna bagwi pha salo no delhi ni simi national devlopment dairy board ni kaisa bodol haste o phawi sokphaikha hwnui sakha montri Sudhangshu das.sathai kwlai o, abo no twi sangrong salni simi saltham romwi kai tham tang bedek rogo achuglai mwng khwlai tongkha montri Sudhangshu das, lai thanai sangrong salo ahh tang bedek no twi achuglai mwng khwlaikha, pha salo tapashili jati kalyan tang bedek o achuglaimwng khwlaikha tei tini eba cha salo malmata tang bedek o achuglai mwng khwlai kha montri Sudhangshu das.
