Chasalo haste ni hukbar tangbedekni luajimung bai haste ni hukbar khwlainai rokni thani kaisa panda ni bising twi mai paikha hukbar tangbedek. Asalni panda oh manjakha chamung tangbedekni montri Sushanta Chowdhury, hukbar montri Ratan Lal Nath, minority tangbedekni montri Sukla Charan Noatia no khobui kubuni adongrok. Haste ni 31 thai oh mai paijaknai center kholokjakha. Phainai 31 july ni salmari jora haste gwnangwi no mai painai. Swkangni sakhwlaijak hai khe no chasalo haste ni hukbar tangbedekni luajimung bai haste ni hukbar khwlainai rokni thani mai paikha hukbar tangbedek. Quintal oh 2,183 khwlaiwi mai paikha. Asalo Julybari ni motorstand gana ni ground oh kaisa panda ni bising twi mai paimano phiyogwi rijakha. Asalni panda oh manjakha chamung tangbedekni montri Sushanta Chowdhury, hukbar montri Ratan Lal Nath, minority tangbedekni montri Sukla Charan Noatia no khobui kubuni adongrok. Hukbar khwlainai rokno rangthongni bwkhak twi kwrak khwlainani bagwi tei sak baithangno bhachawi manrina bagwi 2018 bisi ni december talni simi hukbar khwlainai rokni thani mai paikha haste haphang. Haile tei Buru oh kainwi session ni no mai paiwi tongo haphang. Phainai talsa ramwi haste gwnangwi no mai painai. Aboni bagwi no haste ni 31 thai oh mai paijaknai center kholokjakha. Takwlai bisi oh bebagwi mai painani target naharkha 16 thousand metric ton. Asalni panda oh kok narukna thangwi hukbar montri sakha, hukbar khwlainai rokni bagwi no chwng tini ni salo chajaknai manwi khwnwi manwi tongo. Tabokni jora oh joto no sebok ni okologo khachigwi tongo, phiyabha kebo haa bai gwdalna naiya. Hukbar khwlainai rok mai tei mwikhutung rok kaiya hnk, sebok khwlainai rok rang tongphano mai paiwi mangwlak. Aboni bagwi no haste haphang tei kendra haphang hukbar khwlainai rokni hamkrai no wansugwi abohai kwthar nangkukmani yapri naharkha. Asalni panda oh nogorai wngwi manjakha Santirbazar bidhansabha kendra ni MLA Pramod Reang, chamung tangbedekni sceretary Rabhal Hemendra Kumar, salchi hangkhor naikolnai Siddhartha Shiv Jaiswal, chamung tangbedekni director Nirmal Adhikari tei hukbar tangbedekni Joint Director Rajeev Debbarma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
