14 june world blood donor ni salno kitingwi agartala radha nagar motor stand development society ni luajimung bai pha salo kaisa thwi rimani panda songsajak kha. ah salni pandao nograi okra wngwi pandano chengsai rikha montri Sushanta Chwodhury. bono karwibo manjak kha BJP ni ojamajwk Papia Dutta no khobwi kubuni ojama rog.Pha sal 14 june oh world blood donor day. oh salno rwksaino pha salo radha nagar motor stand development society ni luajimung bai thwi rimani panda songsajak kha. ah pandano chengsai rikha hasteni thanglaisu tang bedekni montri Sushanta Chwodhury. montri no karwibo ah salni pandao manjak kha Traffic SP Manik Das , BJP ni ojamajwk Papia Dutta , amchaini Corporator no khobwi kubuni ojama rog. pandao manjakgwi ah salo thwi rinai kwbangma lukurogno kha thangsa rikha montri sushanta chowdhury . pandao kok nwrwkna thangwi montri sakha, hasten bese beser thai thanglaisu ni kaham sep sogwi rina bagwi belaino sak tharwi samung khwlaiwi tongo hasteni thanglaisu tang bedekni ojama rog. montri bokhorok modi ni phunukjak lama himwino kendra haphang tei haste haphangni luajimung bai tabok hasteni thanglaisuni berem rog kham wngwi tongo hinwi sakha montri. gini jorao haste rwkgwi kaisano national High way tong mani. phiya tabok baithangni haphangni luajimung bai khwlaiwi hasteo kai dok national high way tongo hiwni sakha montri. rail ni sep ni logio hasteo tabok birkhung rogni sep bo kwbangno wngwi tongo hinwi sakha montri. pha salo radha nagar motor stand development society ni luajimung bai songsajak thwi rimani pandao thanglaisu tang bedekni kwbangma tangkrak rogno khobwi amchaini kwbangma lukurogbo sakni muchongma bai thwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
