Pha salo hasteni thanglaisu tang bedekni luajimung bai radha nagar motor stand oh thanglaisu khwlainai bike tei scotty malkhung chaloknai rogno helmet bagwi rikha montri Sushanta Chowdhury. lahar patimung rog kwbangma lukurogni langmano mwthangna bagwino oh yapri naharjak kha tang bedekni bwkhaktwi .salbrum no lahar patimung wngwi tongo hasteo. sana thangkhe bike tei scotty hai malkhung rogno kwbangkuk lahar patimungo manjakgo. omo hai patimung rogo baksa ba langma arioi tongo tei baksaba sak belaino hamya wngma bai rang kwrwini bagwi kaham sak naikulmung manya wngjak. amoni bagwi two wheeler motor cycle malkhung chaloknai rogno helmet thopna bagwi hujak khwlaiwi tongo hasteni thanglaisu tangbedek. pha salo agartala ni radha nagar motor stand ganao lamao thanglaisu khwlainai bike tei scotty chaloknai rogno helmet bagwi rijak kha tang bedekni bwkhaktwi. je lukurog ah salo helmet thopjakya borogno montri sushanta chowdhury sak baithangno helmet thop rioi rikha. koktwma thumnai rogbai kok sana thangwi montri sushanta chowdhury sakha , speed oh bike chalokjak tei helmet bo thopya baksa baksa. amoni bagwi lahar patimung rog wngwi langma ario lukurogni. omo hai patimung rogno narwkna bagwino tabok lukurogno hujak khwlaina bagwi yapri nahar kha hasteni thanglaisu tang bedek. ah salni samung bwtango montri sushanta chowdhury ni logi manjak kha TRTC ni chairman Bolai Ghoswami , thanglaisu tang bedekni haba nogni commissinor tei traffic super no khobwi kubuni ojama rog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
