Tripura ni simi sidi kwran no twiwi bihar oh thangna naimani jorao romjak kha khorok nwi bwrwi . koktwmao saimankha romjaknai khorok nwi no phatar hasteni ni hinwi . patimung saongrong salo Damcherra amchaio. Mizoram – Tripura ni ari no phekjaknai manwi phalnani kaisa lama swnamwi tonwi rikha samung hamya khwlainai rog. thangnai jora kisa swkang tripura – Mizoram arini simi bebagwi 26 crore rang ni heroine no twiwi khorok nwi phekjaknai manwi ni bani akhwlaina rogno romkha. tabok hinkhe haino hai khorok nwi bwrwino bo phekjaknai manwi phalna thangwi romkh arini police rog. sangrong salo damcherra ni purba narendra nagar amchaini naka ponit oh borokno romkha police. ah salo naka ponit oh damcherra police regular checking khwlaiwi tongmani. ah jorao khorok nwi bwrwino kha methekjakgwino borogno oro rotokmung khwlaikha police rog. naitukmung khwlaiwi borogni oro 26 kg ni sidi kwran mankha police rog. romjaknai rogni mung wngkha Shalini Das , bini nog west bengal ni 24 pargona ananda bazar oh tei khoroksa wngkha Ajmiri Begam bini nog bihar ni vaishali hangkhoro. damcherra thanani OC sai khwna rikha sangrong salo agartala ni simi train bai khe phatar hasteo thangna naimani borok. aro chorai bari police rogo kirijakgwi lama swlaiwi pani sagar station oh bathak kha borog. aroni simi damcherra wngwi biharo thangna kok tongmani borog. phiya lamao no romjak kha police rogbai. NDPS ni raidano rwkgwino borogno kebengwi mamla khwlaijak kha tabok .
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
