Jammu tei kashmir oh sal kisa swkang terrorist attack wngmanio tabok khorok brwi ni sketch tikhali kha police. ah khorok brwi bai gwdaljak joto koktwma rinai rogno 20 lakh rang ni sokat bo rijaknai hinwi haphangni bwkhaktwi saklaijak kha. haotorni naimwthangni raida no kwrak khwlaina bagwi tei jammu kashmir ni mamla no twiwi sangrong salo kuchukthaini adongrog no twiwi kaisa nangkukmani koklam pandao achukkha Montri bokhorok Narendra modi. thangnai sal kisa romwino jammu kashmir oh samung hamya khwlainai rog hamla khwlaiwi tongkha. koklam panda wngmani jorao montri bokhorok no , jammu kashmir oh hamla wngmani rogno twiwi swbai sukrupbwi sai khwna rijak kha. jammu kashmir oh habar kaham khwlaina bagwi tei samung hamya khwlainai orgno narwkna bagwi koklam pandao manjak phainai joto kuchuk berem ni ojama rogno dagi mung rikha montri okra.thangnai sal brwi rwkgwi Riyasi , kathuwa tei doda hangkhor ni kai brwi thaio samung hamya khwlainai rog hamla khwlaikha . aro khorok chuku tirtha yatri tei khoroksa CRPF no bwtharkha borok. thwinai rogno karwibo khorok sni naithang ni bodol rog sakgo dukho mankha. bolongni bwkhak rogo naimwthang kwrak khwlaiwi rijak kha tei hamla khwlainai rogno romna bagwi bo naichermung khwlaijak kha . jammu kashmir ni police ni bwkhaktwi doda hangkhoroo kai nwi hamla wngmani oh khorok nwi samung hamya khwlainai khorok brwi rogni sketch tikhlaijak kha. ah khorok brwino gwdaljak koktwma rinai rogno 20lakh rangni sukat bo saklaijak kha haphangni bwkhaktwi. tabok jammu kashmir oh tongkosong lukurogni hamkwraini bagwi tei ah samung hamya khwlainai rogno romna bagwi joto hangkhor rogo naimwthangni beremno kwrak khwlaijak kha hinwi koktwmao saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
