Mai tei mwikhutung kaimano bari rina bagwi swrang salo AD Nagar ni Agricultural Research Center oh hukbar tangbedekni kaisa panda songchajakha. Asalni panda oh manjakha hukbar montri Ratan Lal Nath, hukbar tangbedekni director Saradindhu Das, Horticulture Department Director Dr. PB Jamatia no khobui kubuni adongrok. Swrang salo AD Nagar ni Agricultural Research Center oh hukbar tangbedekni kaisa panda songchajakha. Asalni panda oh manjakha hukbar montri Ratan Lal Nath, hukbar tangbedekni director Saradindhu Das, Horticulture Department Director Dr. PB Jamatia no khobui kubuni adongrok. Asalni koklamo tangbedekni kwbangma samung bwtang rokno cherwi naikha. Hukbar tangbedekni kwbangma projects no twiwi kok salaikha borok. Aboni logi 2023-24 bisi oh haste ni kaijak manwi khwnwi rok 2024-25 bisi ni bwswk sal jora thano abono twiwi bo kok salaikha. Bo teibu sakha, mai kaima oh hakotor ni bisingo 5th oh tongo Tripura haste. Haste ni per hactor thai oh 32 thousand 459 kilo mai kaijagwi tongo. 2023-24 bisi haste oh mai kaijakha 7 lakh 92 thousand metric ton. 2024-25 bisi haste oh 8 lakh 75 thousand metric ton mai kaijaknai. Aboni logi hukbar montri teibu sakha, Sepahijala hangkhor, Gomati hangkhor, salchi hangkhor oh mai kainani target khwlaimani sai kwbang kaikha. Khowai Dholai tei Unakoti hangkhor oh bo kwbang kuk no mai kaijagwi tongo. Salthang hangkhor tei salgwra hangkhor oh kisa kom kaijagwi tongo. Asalo montri teibu sakha, watwi phaiwi mai nosta wngjaknai rokno dalbidal ni insurance company ni bising twi rang rijagwi tongo. Aboni bagwi insurance company no bisi oh 8 crore rang rijagwi tongo. Phiyabha hukbar khwlainai rok bisi oh 7 crore rang ni simi no chubachu manwi tongo. Oh patimungo insurance company no rang riya karwi direct hukbar khwlainai rokno rang rina bagwi nangkukmani yapri naharjakha. Oh yapri naharma oh leaflets mana bagwi montrisobha ni panda oh kok tisanai. Bo teibu sakha, tabokni simi projects ni rang swbaiya karwi tongwi mangwlak. Haste oh kwbangma hukbar market swnamjaknai hinwi sakha hukbar montri Ratan Lal Nath.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
