Chung phereng bai kusub jagwi langma chokha khorok sa bwrui ni, thwi nai ni mwng Purnabala debbarma, pati mwng kwrak salni horo Teliamura thanabai khobjak twisindrai amchai o. Teliamura thana bai khobjak twisindrai bari amchai ni tongnai Bharat debbarma ni bihik Purna bana debbarma, kwrak salni horo nok ni doga sona bagwi thangwi chung phereng nangwi sago dukhu mankha, patimwng ni ulo nok ni borok Purna bala debbarma no dati khe Teliamura bwkhaste sakham nogo twlang thangkha, sakham no ni sak naikolnai rok tei mwthangwi manliya Purna bala debbarma no. thwi thang nai ni ah bwrui ni buphayung sakha, nok ni doga bai nangwi tongmani chung phereng ni tar, ah phuru no nok ni doga sona bagwi thangwi atomsa khe tar o yak nangwi thangkha, abo ni ulo no nok ni borok rok dati khe sakham nogo twbui phaikha. ah salo Teliamura bwkhaste sakham nokni bwkhak twi pati mwng no Teliamura thana o saklai jakha, swrang salo mang kwthui no cherwi naikol mani ulo nok ni borok ni yago tisai rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
