Manipur ni montri okra N Biren Singh ni convey oh mamla khwlaikha samung sitra khwlainai rok. Oh patimung oh montri okra ni khorok sa security guard dukhumankha hinwi saimankha. Patimungo montri okra mungsa wngliya hinwi saimankha. Montri okra ni tangbedekni bwkhak twi sawi mankha, asalo Imphal ni simi Jiribam oh thangwi tongmani montri okra. Phungni dam chi tamani jora oh 37 national highway oh montri okra ni convey oh hamla khwlaikha terrorists rok. Patimungo khorok sa security guard dukhumankha hinwi saimankha. dakti dakti no bono sak naijaknani bagwi sakham nogo rahorjakha. Oh patimungni kitingwi amchai rwgwi belai no tungphwlajakmani boyer sipsawi phaikha. Thanai bisi ni May talo hor chwngsamani Manipur haste oh. Kuki tei meitei ni bisingo choba wngmani bagwi Manipur ni kwbangma borok thwikha. Kwbangma bwrui rok rompherejagwi bwtharjakha tei kwbangma borok rok bwtharjakha. Aphuru ni simi Manipur haste oh salbrom no mungsa ya mungsa patimung patiwi no tongo. Bisi kasukya swkangno hai no hai tungphwlawi se phai oh kha Manipur haste oh. Thanai hati oh no Manipur ni Jiribam oh belai no tungphwla kha hinwi saimankha. Thanai 6 June ni salmari oh khorok sa borokni bokhorok kwrwi mangkwthwi mankha. Oh patimungno kitingwi no belai no tungphwlajak. Oh patimungno kitingwi Jiribam ni 70 ni sai kwbang borokni rokni tongthai nog soksawi rijakha. Kwbangma haphangni sebok tangnogo rok soksawi rijakha. Kwbang lukorog sak baithangno langmano banchirina bagwi amchai yakarwi kharlaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
