Tolasikhor sub-division ni khorok sa chwngphereng tangbedekni sebokno planing khwlaiwi bwtharkharo hinwi Behalabari komla bhagan amchai ni kwbangma samung sitra tangnai tangnai rokno kebengwi koksilsamung kasakha. Tangsalni diporo Behalabari amchaini kaisa chwngphereng pilar oh chokam twiwi chwngphereng seplewi samung khwlaiwi tongmani sebok, phiyabha behalabari amchaini samung sitra tangnai rok chwngphereng ni tar thepawi rimabai chwngphereng bai kosopjagwi 30 foot saka ni kwlaiwi thwikha Mithun Das mungwi khorok sa chwngphereng tangbedekni sebok. Aboni logi logi no bono Behalabari ni primary health center oh twlangmani yagulo bono thwikha hinwi sakhwlai rikha dr. Oh patimungno twiwi Tolasikhor sub-division ni senior manager Champahour thana oh thangwi mamla khwlaikha. Thwinai sebokni kami Khowai thana bai khobjak Bagai amchai oh hinwi saimankha. Patimungno twiwi Khowai division ni DGM Sabendra Debbarma sakha, Behalabari ni kaisa line low-voltage tongmani. Chwngphereng ni sebok rok bo line oh chwngphereng ni jwngjal nukjagwi tong abono rutugwi, puila Behalabari kamola bhagan amchaini kaisa chwngphereng ni pilar oh kasawi jio ni bising twi chwngphereng ni tar swkagwi tala riwi kubuni thai oh thangwi samung khwlaiwi tongmani. Behalabari oh no Mithun Das mungwi khorok sa sebok chwngphereng swnamwi tongmani jora oh atomsa khe chwngphereng bai kosopjagwi haa kwlaiwi thwikha bo. Aboni yagulo chwngpherengni sebok rok Behalabari amchaini komola bhagan amchai oh thangwi nogwi mankha, saboni jani tala swbaiwi chwngphereng ni tar no thepawi rikha, aboni bagwi no kirima sinsa khe thwikha chwngphereng tangbedekni sebok Mithun Das. Sabo ba tamoni bagwi abohai samung khwlaikha tabok abono twiwi naicherwi tongo police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
