Hukbar khwlainai rokni mwikhutung no asol dor rwoi teibo rang ni bwkhak twi kwrak khwlai na bagwi 2018 bisi ni december tal puila ni kahai haste o hukbar khwlnai rok ni thani maichalam pai nani samwng wbtang chengwi rwmani tabuk ni haste hapang. abo ni simi bisi brum brum no haste ohukbar khwlainai rok ni thani maichalam pai nani samwng bwtang khwlai jak tongkha, lai thanai jira rogo bo haste hapang hukbar khwlainai rok ni thani maichalam pai nani gosi mwng naharkha. abo no kitingwi 15 june sal mari ni simi maichalam pai nani samwng bwtang chengwi rwjak nai, tei south Tripura hangkor santirbazar bwkhaste o bo panda songsa jak nai. phai tong nai 31 july sal mari jora ung nai ah samwng bwtang. abo ni bagwi haste ni dal bidal thai o khulukjak nai maichalam pai nani kendra. tabuk ni jora o jotowi 16 thousand metric ton maichalam pai nani samwng bwtang yago naharkha. tang salo kkthum panda khwlai abo hai khe no sakha haste ni chamwng tang bedek ni montri Sushanta chowdhury. ah salni kokthum panda o teibo kai nwi nangkuk mani kok samwng khuna rwkha montri. bo saklaikha, FCI ni simi haste ni sarkari chamwng ni godown eba ration shop ni samwng o chamwng tang bedek tendering bai transport contractor tichokjago. tabuk sak jora chamwng tang bedek ni thani kai chi sini truck malkhung tong mani, phiya ba lai thanai bisi nwi eba bisi tham ni bising o chamwng tang bedek 1 crore86 lakh rang bai khwlawi teibo kwtal kai ba truck paikha. khuna eba 11 june sal mari ni simi agartala ni AD nagar bai khobjak central store o ah truck rok ni panda songsai rwjak nai. abo simi ya, chamwng tang bedek ni legal metrology organization haste o tabuk kai chi sini bwkhaste o secondary standard laboratory building tong o. sana thangkhe south Tripura hangkor ni santirbazar bwkhaste o bo abo hai kwbangma secondary standard laboratory building ni samwng ungkha. phai tong nai 15 june sal mari o kwtal bhavan songsa jak nai kaisa panda ni bising twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
