Khowai thana bai khobjak chebri vimtila amchai o nok ni ari rwlaima no twi nok gana ni tong nai Tinku majumdar tei Litan debnath ni bising o kok banglai tong mani, cha sal ni dipor jora Tinku majumdar, Litan debnath no mwng sa saiya karwi Litan debnath ni ari bising o illegally drain swnamwi khibkha, kokti salni phung o pati mwng no nukhe Litan debnath bini ari o kaisa waa sugwi rwkha, ah phuru no atomsa khe Tinku majumdar, Litan debnath ni bokhorok o kwbuk manwi bai togwi rwkha, abo hai patimwng nugwi manwi Litan debnath ni bupha phawi sokphai kha pati mwng thai o, kok silsamwng Litan ni bupha no bo kwbuk manwi bai bwtok khwlai kha Tinku majumdar. ah jorao bwsai no banchi rwna ni bagwi phawi kebeng mwng o kwlai kha Litan debnath ni buma. kok silsamwng, Litan debnath ni buma no bo bwtok khwlaikha hwnui, pati mwng no nugwi amchai ni loku rok pati mwng thaio phawi sgo dukhu man nai rok no khochawi khowai hangkor sakham nogo twlang thang kha, khowai hangkor sakham nok ni simi Litan debnath no GB sakham nogo refer khwlai rwkha sak naikolnai rok, ah salo khowai hangkor sakham nogo sago dukhu man nai Litan debnath joto pati mwng sawi khuna rwkha. tei khak sa phasing khe pati mwng thaio phawi sokphai he khowai thana ni poloce. phiya ba police phaiya sini swkang no samwng hamya khwlainai Tinku majumdar nok ni simi kharwi thang kha, pati mwng no twi tabuk cherwi naikol tongkha police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
