Chongmari ni jora oh haste o blood bank rogo thwi ni beyal kwbang ungmani nukjakha, aro o montri okra Dr.Manik saha BJP ni joto tang bedek tei hoda naikolnai motha rok no thwi rwna ni bagwi bwskang o phai nani bagwi kobok mwng khwlai mani, montri okra ni kobok mwng bai 500 unit thwi rwna ni bagwi saklai rwkha 10 mojlishpur mandal committee. abo hai khe no kokti salo 10 mojlishpur bidhan sabha bai khobjak borjala binapani rwng nogo kaisa sak tharwi thwi rwmani panda songsai rwkha mojlishpur mondal ni janajati morcha committee,. ah saktharwi thwi rwmani panda no songsai rwkha amchai ni MLA eba haste ni montri Sushanta chowdhury. bo panda o phawi thwi rwnai rok no hambai yapharkha, montri teibo saklaikha, mojlishpur janajati morcha committee thwi rwmani panda songsa mani abo hai khe mohila morcha ni tang bedek rok bo thwi rwmani panda khwlai nai, joto ni paithago mojlishpur mandal commitee ni luajimung bai kotor thwi rwmani panda songsa jak nai hwnui sakha montri Sushanta chowdhury. mojlishpur janajati morcha ni luajimung bai songsa jak mani sak tharwi thwi rwmani panda o montri Sushanta chowdhury no karwi bo phawi manjak phai kha mandal ni achugphang Gouranga bhowmik, jirania panchayat samiti ni vice chairman Prtam debnath, janajati mandal ni achugphang Sudhan debbarma akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
