9 june salmari eba kokti salo waitham ni bagwi montri bokhorok ungwi swmai nahar nani nai tongkha Narendra modi. NDA bodol ni adong tei montri bokhorok ungwi chonghor jak kha bo, koktwma o sai mankha, kokti salni sanja jora ni 7.15 pm o rastrapati bhavan o swmai nahar nai Narendra modi. bangladesh ni montri bokhorok Sheikh Hasina tei maldives ni president Mohammed Muijju ni logi kai sini hakotor bai nang jak tei bharat mahasagar bai nangjak anchal ni adong rok mega event o phawi manjak phai nai. abo ni logi Sri Lankan president Ranil bikramasingha, Seychelle ni vice president Ahmed Afif, mauritius ni montri bokhorok Pravind Kumar Jugnauth, nepal ni montri bokhorok Pushpa kamal dahal, bhutan ni montri bokhorok Tshering tobgay, kendriya hall o alliance ni kwtal chonghor jak mani achuglai mwng ni ulo no Narendra modi no NDA ni adong hwnui chonghor jakha, pha salo BJP ni okra nikolnai JP nadda, BJP bodol ni adong ungwi modi nono chonghor jakha hwnui koktun bwlai rwkha. abo ni ulo no haste pha ,Narendra modi nomontri bokhorok hwnui chonghorwi rwkha. modi no karwi bo kwtal NDA hapang bai khobjak joto montri parisad no kokti salni sanja jora swmai nahar nai. bodol ni achugphang JP nadda no karwi bo Amit shah, Rajnath singh ni kahai kotor BJP ni adong rok Chandrababu naidu, Nitish kumar tei Shiv sena ni AK nath sinde ni adong rok cha sal ni horo achuglai mwng khwlaikha, kokti salo swmai nahar mani panda ni ulo no sak ni tongthai nogo hor ni chamwng ni bagwi invite khwlaikha BJP ni sarba bharatiya achugphang JP nadda.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
