Plywood bai phobjagwi thwikha khorok sa samung khwlainai. Phasalni dipor jora aulini Chandrapur jaijor gana amchai ni kaisa plywood godown oh. Thwinai ni mung Santi Chakraborty, bini nog Khoyerpur Bijoy songha gana ni amchai oh hinwi saimankha. Koktwma oh sawi mankha, katt ni samung khwlaiphano godown oh jora jora oh samung khwlaiya Santi Chakraborty. Thanai saltham-salbwrwi ramwi godown oh samung khwlaiwi tongmani. Phasalni phungo godown ni simi kaisa plywood tikhalaimani jora oh songchawi tonijak kwbangma plywood bini saka oh kwlaikha. Plywood bai phobjakmani yagulo yoknani belai no chaitokha bo. Godown ni kubuni samung khwlainai rokno bono tikhalaina bagwi belai no chaitokha, patimungni koktwma manwi patimung thai oh thangkha hor bwtharnai brindhiya rok, borokbo plywood rokno norwi Santi Chakraborty khochawi GB sakham nogo twlangkha. Phiyabha sakham nogo sebok khwlaiwi tongnai dr. bono thwikha hinwi sakhwlai rikha. Patimungni koktwma manwi sakham nogo thangkha thwinai Santi ni bwta Bishnu Chakraborty. Patimungno twiwi swbai sukurwbwi sai khwna rikha Bishnu Chakraborty. GB sakham nogo post-mortem khwlaimani yagulo bini mangkwthwi no bini nukhungni borokni yagu yapharwi rijakha. Oh patimungno kitingwi Khoyerpur Bijoy songha amchai rwgwi belai no kha-khamlaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
