Phasalo parliament ni central hall oh NDA ni kuchuk berem ni ojama rokno twiwi kaisa koklam panda songchajakha. Asalni panda oh manjakha hakotor ni montri Narendra Modi, Amit Shah, Rajnath Singh, Nitin Gadkari, Eknath Shinde, Nitish Kumar, Chandrababu Naidu, Ajit Pawar no khobui kubuni kwtal MP rokbo manjakha. Asalni panda oh Narendra Modi no montri bokhorok ni achukthai oh achuknani bagwi koikha Rajnath Singh, Amit Shah Nitin Gadkari no khobui joto ojama sng. Asalo joto ni manimung bai montri bokhorok chongjakha Modi. Tini sarigo eba phasalni sarigo President Draupadi murmu ni thani haphang swnamna bagwi koinai BJP. Phainai koktisalni sarikphango kaisa panda ni bising twi montri bokhorok ni achukthai ni wngwi swmai tangnai Modi. Asalo haphang ni bwkhak twi oh kok sakha, MP prahlad Joshi. Asalni panda oh kok narukna thangwi TDP ni supremo Chandrababu Naidu sakha, Narendra Modi no Bharat hakotor ni montri bokhorok wngnai, chwng NDA ni nukhungni borok. Chini Andra Pradesh oh chongmarini koklam panda khwlaikha Narendra Modi, Amit Shah, tei Rajnath Singh. Aboni bagwi borokno joto no hambai. Lukorog tabok NDA no puito khwlaiwi tongo. ang kwbangma haphang nukkha phiyabha Narendra Modi ni hai power keboni kwrwi. Bharat correct jora oh no bo hai leader no mankha. Oh jora oh chwng bono mis khwlaikhe belai no khoti wngnai. Hayungni bisingo Bharat hakotor ni hamkrai ni mari joto ni sai kwbang. Ang kha-bai khukbai khwlaiwi no Narendra Modi no montri bokhorok wngna bagwi koi oh. Asalni panda oh manjagnai kwchuk berem ni NDA ni joto ojama sng Narendra Modi ni logi tongnai hinwi sakha. Abono karwi bo kebengnai bodol rok Nitish-Naidu ni logi tongnani hinmani abono emang wngwi thangkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
