Nungjaknai twi, chwngphereng, tei lama no swnamwi rinani sanmungno twiwi phasalni phungo Kanchanpur jail road no kasulaikha amchaini lukorog. Patimungni koktwma manwi patimung thai oh thangkha Kanchanpur bwkhaste naikolnai. borokni logi chwngphereng tangbedekni sebok tei block ni officers rok bo thangkha. Amchaini lukorog ni sanmungno dakti no mwkthang khwlaijaknai hinwi kokrimani yagulo lahar kasumano rosawi naharkha amchaini lukorog. Lukorogni Basic needs ni bisingo kwlai oh nungjaknai twi, chwngphereng, thanglaisu khwlainani system. Bisi kolokma ramwi Oh kaitham basic ni yak kakjak Kanchanpur ni Shrirampur amchaini lukorog. Sal kisa ni yagulo waire wai chwngphereng nosta wngmani bagwi amchaini lukorogni nungjaknai twi tei chwngpherengni jwngjalo kwlai oh. Aboni logi Shrirampur amchaini lama hamya wngmani bagwi amchaini lukorog sal kolokma ramwi thanglaisu khwlainani bagwi jwngjal kwlaijak. Lama belai hamya wngmani bagwi thang phainani bagwi belai no jwngjalo kwlaiwi tongkha amchaini lukorog. Chwngphereng, nungjaknai twi, tei lama no swnamwi rinani bagwi sal kolokma ramwi sanlaikha amchaini lukorog. Phiyabha tangbedekni sebok rok ah borokni sanmano mwkthang khwlainani bagwi mungsa bo yapri naharya. Tangbedekni tangphang siring siring tongmani bagwi phasalni phungo Kanchanpur jail road no kasulaikha amchaini lukorog. Borokni sanmung wngkha dakti dakti no amchaini chwngphereng nungjaknai twi tei lahar no swnamwi rijakna wngthung. Patimungni koktwma manwi patimung thai oh thangkha Kanchanpur bwkhaste naikolnai. borokni logi chwngphereng tangbedekni sebok tei block ni officers rok bo thangkha. Amchaini lukorog ni sanmungno dakti no mwkthang khwlaijaknai hinwi kokrimani yagulo lahar kasumano rosawi naharkha amchaini lukorog. Dakti no borokno jwngjal no mwthakjakya hnk phainai salo teibu kotor choba ongkhornai hinwi sakha amchaini lukorog amchaini lukorog. Lahar kasujakmani yagulo kwbangma malkhung line line khwlaiwi kwchakha. Lahar kasumani yagulo college oh rwng swrwngnai swrwngnaijwk sngbo kwchakha. Tabok abono naijaknai tongsi oh je amchaini lukorog ni sanmung no buphuru mwkthang khwlaijak no.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
