Phatar haste ni kaisa contenar malkhungo naicherwi 275 kg sidi kwran romkha Churaibari thanani police. Romjakmani sidi kwran ni hati dor 50 lakh wngnau hiwni sakha police. Malkhung chaloknai kharwi thangkha, tei bono romna bagwi chaitogwi tongo hinwi sakha bwkhaste police officer Debasish Saha. Salbrom ni hai khe no sangrong salni sarigo Dharmanagar bwkhaste bai khobjak Churaibari thanani bwskango police checking khwlaiwi tongmani. Ah jora oh phatar haste ni phainai WB 73-D-5911 number khungsa lory malkhung no kasukha. Ah Malkhungo checking khwlaimani 35 packet oh 275 KG sidi kwran romkha police. Asalni naichermungo tongkha Churaibari thanani OC Samaresh Das, bwkhaste police naikolnai Debasish Saha, DCM Genius Debbarma. Patimungno twiwi koktwma thumnai rokni bwskango sawi khwna rikha bwkhaste police officer Debasish Saha. bwkhaste police officer teibu sakha, romjakmani sidi kwran ni hati dor 50 lakh wnganu hinwi sakha. Malkhung chaloknai no rutugwi tongo hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
