Naikolnai bodol BJP ni bising o no kok banglawi thwimwrajak ungjak, pati mwng swrang sal ni horo Teliamura bwkhaste krishnapur bidhansabha kendra bai khobjak 15 no. booth amchai o.Teliamura bwkhaste krishnapur bidhanasabha kendra o naikolnai bodol BJP ni bising o no kok banglai mani nukjakha, khorok nwi bodol ni bising o kok banglawi bwtok bo ung mani nukjakha, pati mwng swrang sa ni horo krishnapur bidhansabha kendra bai khobjak 15 no. ward amchai o. sai mankha, amchai o swrang sal ni horo khung sa nogo panda choli tong mani, ah panda o bodol ni naikol nai rok bo phawi manjak pjhai kha, abo ni ulo atomsa khe kok banglawi bwtok bo ung kha kai nwi bodol ni bising o.ah pati mwng o BJP ni samwng khwlainai Bapan das sago dukhu mankha, bini motor bike swbai rwkha hwnui kok silsamwng kasakha. sangrong sal ni phung o sago dukhu man nai Bapan das Teliamura thana o choprob nai ni phasing phawi dorbar khwlai thangkha, samwng hamya khwlainai rok ungkha krishnapur bidhan sabha kendra ni yuba morcha ni mandal achugphang Nirmal debnath,BJP ni naikolnai Bijan kar akosong. ah salo Teliamura thana o phawi sago dukhu man nai BJP ni samwng khwlai nai Bapan das ah koktwma sawi khuna rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
