Hakotor bai baksa kheno 4 june kwrak salo tripura hasteobo vote lekhajak kha lok sabha chongmarini bagwi.hakotoro haino hai kwplai wngkha montri bokhorok narendra modi. hasteni kai nwi achukthaio no kwbangma vote manwi kwplai wngkha BJP ni candidates rog. hasteno 7 ram nagarni by election ni wngkharibo 4 june kwrak salono lok sabha wngkharini logio saklaijak kha. aro bo kwbangma vote bai INDIA kwthajak bodolni CPIM ni candidate ratan das mechengwi kwplai wngkha BJP candidate Dipak Majumdar. salka tripurao lok sabha achukthai oh voter tongo bebagwi 14 lakh 61 thousand 836 aro ni bisingo vote kwlai kha 81.84 %. saklaijakmani wngkharino rwksai saimankha bebagwi 72.85% vote manwi kwplai wngkha BJP candidate Biplab kumar Deb. INDIA kwthajak bodolni congress candidate Ashish kumar saha bebagwi 6 lakh 11 thousand578 vote bai mechengwi rijak kha. salka triupao hinke bebagwi 13 lakh 95 thousand voter ni bisingo 80% vote rijak kha. saklaijakmani wngkharino rwksai saimankha bebagwi 68.58% ni vote manwi kwplai wngkha BJP candidate Kriti singh Debbarma. INDIA kwthajak bodolni CPIM candidate Rajendra Reang no bebagwi 4 lakh 86 thousand 819 vote bai mechengwi rikha BJP. tei khaksa phaisingo hinkhe 7 ram nagar bidhansabha kendrani by election oh 17 thouasand 447 vote bai khwlai CPIM ni candidate ratan das no mechenwi rikha BJP candidate dipak majumdar. vote lekajakbai mani yagulo kwrak salo BJP haba nogo kaisa kokthum panda ni bisingtwi joto kok no swrai swrai khe lukurogno sai khwna rijak kha. ah salni kokthum pandao manjak kha montri okra Dr.Manik saha , Pradesh BJP ni achukphang rajib Bhattacharjee , tei salthang tripura loksabha achukthaio kwplai wngnai Biplab kumar Deb , 7 ram nagarni simi kwplai wngnai Dipak majumdar tei BJP ni haste khokphang Subrata chakrabarty . ah salo kok narwkna thangwi biplab kumar Deb saka , hasteni kainwi lok sabha achukthaioh kwbangma vote manwi kwplai wngkha BJP bodol. amoni bagwi montri bokhorok narendra modi tri home mnister amit shah no hambai yaphar kha biplab kumar Deb. ah salo ok narwkna thangwi bataimungo kebengnai bodol rogno kwbangma vote baino mechenwi rikha hinwi sakha montri okra Dr.manik saha. montri okra , kebengnai bodol rogbo borogni je chuksakno chaitukmung khwlaikha phiya kwbangma vote manliya hinwi sakha montri okra
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
