Kwplai ung mani yagulo sak ni samwng o ongkhorwi thangkha loksabha ni kwtal chonghor jak nai dagiphang Biplab kumar deb, swrang salo santir bazar bidhan sabha kendra ni mukut auditorium o bodol ni samwng khwlai nai rok no logi twi achuglai mwng khwlai kha Biplab kumar deb. Kwrak salo saklai rwjakha loksabha chongmari ni result, haste ni kai nwi thai o no padda bubar no kwplai ungkha, kwbang kuk vote manwi no kai nwi achugthai o kwplai ungkha BJP ni batainai, asuk kwbang vote manwi hakotor ni bising o joto ni swlai kwchug o kasa jak salthang loksabha achugthai ni batianai BJP ni ungwi Biplab kumar deb. kwplai ungmani ulni salo no samwng ni bagwi ongkhorwi thangkha Biplab kumar deb. swrang salo santir bazar bidhan sabha kendra ni mukut auditorium o bodol ni samwng khwlainai rok no logi twi achuglai mwng khwlai mani nukjakha, kok narugna phuru Biplab kumardeb saklaikha, oh haste ni joto loku rok hamjakma bai no vote rwkha BJP hapang no. tabuk samwng khwlainai tei naikolnai rok no khuna nani nang nai. loku rok ni joto kok khuna nani nang nai tei loku rok ni gana tongwi samwng khwlai nani nang nai. tei bidol ni samwng khwlainai rok no sakthar mwng rwkha loksabjha ni kwtal chonghor jaknai dagiphang Biplab kumar deb. ah salni panda o phawi manjak phaikha MLA Promod reang, IPFT ni organizing secretary tei janajati morcha ni haste committee ni ojama tei samwng khwlainai rok.
